मावळतीच्या काळोखात
विरून जाण्यापूर्वी
उद्याची स्वप्ने
पडायला हवीत
हे या अस्वस्थ निद्रेला
सांगून कळत नाही...
भूतकाळाची अतार्किकता
भविष्याच्या अनिश्चिततेला
जिथे छेदते
त्या वाटेवर वर्तमान
गपगुमान वळत नसताना
शिडानेच मांडावा गलबताशी तंटा!
मार्गाचा अट्टाहास
मार्गस्थ होण्यापासून
वेगळा काढताना
होणाऱ्या बदलाच्या स्पर्शाने
कोणतीच दिशा मळत नाही...
-प्राजक्ता.
#एकमुक्तती.
