मृत्यू जेव्हा तुम्हाला नेत नाही
तेव्हा तुमचं बरंच काही नेऊ शकतो...
नेतो.
जाणारी व्यक्ती
तुमच्यातला तिचा वाटा
ओरबाडून नेते...
आजी जाताना नातीला नेते
प्रियकर तुमच्यातल्या प्रेयसीला नेतो
मैत्रीण तुमच्यातली मैत्रीण घेऊन जाते!
अनेक भूमिकांमध्ये
एकाच वेळी जगत असताना
तुमची एखादी भूमिका गळून पडते;
भार काही हलका होत नाही
जगणं मात्र जड जातं.
-प्राजक्ता.
No comments:
Post a Comment